波經每日焦點：就同你數德國女足有幾勁！

女足世界盃B組大戰，由世界一姐德國迎戰排名11嘅挪威，到底世界第一有幾勁呢？德國喺上場分組賽面對首次踢世盃嘅科特迪瓦，大送對手10蛋咁多，其中米塔（Anja Mittag）同莎錫（Celia Sasic）分別入3粒，後者更成為女足世盃史上最快連中三元嘅球員呀！不過佢哋最勁係咩呀？好波之餘，仲有靚女呀（25號波衫）！介紹返，20歲嘅德布里芝（Sara Daebritz）係拜仁女隊嘅中場，咪以為佢得個樣，喺對科特迪瓦嗰場佢都有份入波㗎，媽呀！你哋玩晒啦！