【環法】大炒車！20架炒埋一堆！

環法單車賽去到第三站，由比利時安特衛普踩去羽伊，結果奪標熱門費路美成功勇奪亞軍，並喺總成績攀上榜首，攞到黃色戰衣。其實費路美能夠提早坐上臨時「一哥」位，都要多得今站發生一次超激大炒車，話說喺賽事尚餘37英里之際，法國車手邦納特因為戰車撞上前車尾轆突然炒車，緊隨其後嘅多部車亦因收制不及從後撞上，當中就包括埋原來喺車手榜總成績帶頭嘅簡沙拉拿等20位車手在內。呢次炒車意外結果導致4位車手要退出比賽，而雖然話簡沙拉拿依然可以繼續作戰，但由於佢明顯受傷，最後損失超過12分鐘時間，自然失落咗件黃色戰衣。