港超聯 白榮澤傷到驚選擇掛靴

20150721
東網電視
更多新聞短片
拜拜「阿澤」!第日見到你會大聲叫「澤Sir」啦!    (白榮澤facebook圖片)

現年25歲的白榮澤,出道8年,曾先後効力華家堡、東方和晨曦,司職左後衞的他,近兩季雖屬富豪球會東方一員,日子卻過得十分不開心,因為:「我呢兩季都唔知做咩,又斷手、又斷十字韌帶,好黑仔!完全享受唔到足球嘅樂趣,唔想再嘥時間,我決定掛靴。」

「首先我要講清楚,東方上下都對我好好,我選擇唔再踢去轉行,全因為我自己唔爭氣,一傷再傷,斷完手又斷韌帶,想操弗都唔得!就算弗番,再落場我都驚再傷,嚴格嚟講我係傷到驚咗!啱啱開始踢職業波都無諗過踢到三十幾歲先轉行,只係冇諗過25歲咁早,只係冇辦法,時間唔等人,我唔想再等運到!」原本一臉稚氣的「阿澤」,談及過去兩季「點黑法」時,亦難掩傷感。

決定掛靴的「阿澤」,將會投考紀律部隊,向人生另一頁進發。回望過去,他謂短短8年職業球員生涯中,遇到的都是好老細、好教練,特別感謝帶其出生、當年執教華家堡的李健和及陳曉明。「係佢兩個帶我入行,畀機會我去做職業足球員,兩位都教識我好多嘢,好多謝佢哋。」

很多球員無班落要面對失業,對於自己竟然主動選擇轉行,「阿澤」重申是不想再蹉跎歲月,他說:「我唔係有得踢唔踢,而係我好驚再受傷,之前後生傷幾次都算復原到,但大多幾歲就難包,況且遲早都要轉行,33歲先轉同依家25歲轉根本冇分別,早轉有早轉好。」十分識諗的「阿澤」提到,由當初選擇踢職業波,到今次決定掛靴轉行,家人一直十分支持他。「很時候唔好再要家人擔心喇!」白榮澤說。