港台男籃對決！泰山畢業生輸畀香港巴打！

尾場就由C2 Sports Elite Crew對泰山畢業生，雙方鬥到最後一秒，真係非常精彩！C2 Sports Elite Crew邀請隊有多位甲一球如坐鎮，例如梁民熊、梁兆華、蔡再懃等球員，但打起上嚟並唔輕鬆，一班泰山畢業生超有活力而且組織能力好好。控衛高國強更加係搏命演岀，令全場掌聲不斷。兩隊戰至最後一秒，C2 Sports Elite Crew憑蔡再懃攻入全隊最高26分，最後以89比87險勝對手。

除咗場比賽，第三節打完之後仲有表演睇，由泰山高中畢業生張幃翔表演入樽，一班觀眾真係拍爛手掌！完場之後一大堆球員湧入球場搵球員影相，當中以高國強最後歡迎，被班fans重重包圍，誇張到呢！佢就話第一嚟香港，冇諗到自己會咁受歡迎，希望下次有機會可以再嚟做籃球交流添！