高級銀牌　鍾偉強「夢想」成真

夢想駿其今季首度亮想港超聯，一如其隊名實現了許多職球員的「夢想」，包括自15歲加入天旭青年軍、一直隨該隊由丁組開始打拚，到今季躋身頂級聯賽的「9號仔」鍾偉強。

現年19歲的鍾偉強，身高1米76，能勝任中前場多個位置，甚有「通天老倌」Feel。面對記者提問顯得有點害羞的「偉強」，坦言今季能成為夢想駿其一份子乃夢想成真。「我15歲加入天旭青年軍就跟隨『朱Sir』（夢想駿其總監朱偉霖），當時佢已經同我哋講，要一路打上去，希望我哋可以實現做職業足球員嘅夢想！好開心，當時大家定下嘅目標，可以喺幾年後嘅今日達成到。」

「偉強」對踏上職業足球的第一季，有機會在隊中老大哥福田健二身上「學嘢」感到興奮：「『福田潺』經驗豐富，喺日本球壇又有名氣，但難得一啲架子都冇，仲好肯教我哋一班後輩，比賽嗰陣更加不斷提場同鼓勵大家，絕對係隊中嘅精神領袖。」最後，這位天旭「青訓產品」謂會繼續努力，希望可以在隊中穩佔一席位之餘，可以快點取得入球：「希望今季可以入到兩、三球啦！亦希望球迷可以多多支持我哋、支持夢想駿其。」