港超聯 冠忠南區梁家希:我要攞獎!

20151010
東網電視
更多新聞短片
「巴西」(左)很滿意在冠忠南區的上陣時間,但認為自己的表現尚有改進空間。    (徐嘉嘉攝)
冠忠南區又贏一場,由傑志外借的「巴西」梁家希,已連續第三場正選上陣,表現一場比一場理想。連同首場後備入替,「巴西」笑言在冠忠南區的「3場正選+1場後備」,上陣時間已多過在傑志的兩個球季。「雖然係咁,但我唔會話嬲傑志,相反我好感激今次將我外借,令我對自己的足球有番理想,而我依家喺場上用到嘅,好多都係喺傑志嗰陣學到嘅,所以囉!點會嬲啫!」周六協助冠忠南區在「恒基兆業菁英盃」揭幕戰,2:1擊敗元朗的梁家希表示。
許多時,球員面對「外借」時都會心大心細,但「巴西」坦言當日得悉有機會外借到冠忠南區時,不消考慮便答應了,因為:「Ricky(即鄭兆聰)係一個好好嘅教練,做每一件事都好認真、對自己要求好高,可以成為佢嘅球隊一嘅一份子,相信會好開心、好有滿足感,所以我唔使點諗就決定接受外借安排。」
慶幸「巴西」的預測沒錯,在「Ricky」麾下他得到重用,並且前、中、後三線的位置都曾出任過:「好多謝Ricky嘅信任,佢不斷鼓勵我好咁早定型,趁後生咩位置都要試、盡力去踢!依家我好滿意自己嘅上陣時間,但就未好滿意自己嘅表現,我會不斷努力,希望演出一場比一場好!」「巴西」透露自己有一個心願,就是希望可以在尾當選「最佳年青球員」,他謂:「我都明獎項嘅嘢無得強求,但係之前上陣機會唔多無得講,希望今季可以保持到上陣機會,為球隊爭取成績同時,自己向個人獎項努力吓。」
「巴西」表示冠忠南區現時隊中士氣很高,球員間感情亦非常好,存在良性競爭同時,彼此亦互想提點、互相幫忙,氣氛「好正」,恍如一家人。「隊友中,最夾當然係夏志明啦!我哋9歲開始一齊踢街波,另外迪亞斯同溫俊都係好拍檔。」提到「家人」兩字,「巴西」謂必須要向兩位家人道謝,他說:「無論身在巴西嘅媽媽,定係喺香港嘅爸爸,一直都好支持我,好多謝佢哋,我覺得自己好幸福。」
「巴西」,只有不抱怨過去、不滿足現狀、不害怕挑戰才會取得成功,繼續努力,希望在季尾的「足球明星選舉」頒獎禮,可以在台上見到你!