英超Fever：費明奴啜爆老婆賀傷愈

利物浦中場羅拔圖法明奴，今季嚟到英超頭頭碰着黑，唔單止入波、助攻未有，之前喺英聯盃仲傷埋，好唔老利喎！不過日前佢同老婆Larissa Pereira去食飯，一樣當眾咀到爆，點解？因為費明奴終於轉運喇。第一將佢貶為後備嘅羅渣士已經被炒，新帥高普之前教多蒙特時，講明想買佢，呢次仲唔攞番個正選位？另外，費明奴康復進度良好，已經好番嚟緊可以上陣鬥熱刺，梗係值得錫啖老婆慶祝啦。