NBA　「奧尼爾女郎」凌顏自爆被抽水

「巨無霸」奧尼爾日前到上海為NBA官方手機遊戲宣傳，本身當然係傳媒焦點啦，但佢喺台上公然「欣賞」宣傳女郎嘅豐滿上圍，就無意中捧紅咗個叫凌顏嘅嫩模，傳媒同網民為呢個「奧尼爾」女郎瘋狂起底，搞到佢人氣爆升，不過凌顏話嫩模唔易做，時不時會遇到咸豬手喎！

凌顏做Model同Showgirl，都做過唔少同NBA有關嘅工作，例如今年深圳嘅中國賽，佢都有出現，不過佢就話，其實做嫩模風光背後都好辛苦：「就拿做Showgirl來說，每天起碼要站3到4小時，我們穿的都是高跟鞋，幾天站下來，渾身都酸痛。」

另外，凌顏話遇過唔少衰人：「有的攝影師會盯著我拍N多張，腳、腿、腰、胸、頭髮、眼睛，讓我受不了。合影的時候也遇到過『咸豬手』，勾肩、攬腰、我還得強顏歡笑，對於過份的要求，我現在會婉言拒絕。」陰公豬，好彩奧尼爾齋睇冇郁手啫！