港中大戰　博彩公司話國足仲有希望㗎！

邊個話國足冇機？喺世盃外亞洲區C組排第3嘅國足作客香港，只能踢成0:0得1分，目前仲係落後踢多場嘅香港3分。由於攞到小組次名之餘，仲要係亞洲區最好嘅頭4位次名先可以出線，所以國足出線12強機會非常渺茫，不過博彩公司似乎唔係咁睇，事關戰平香港之後，國足嘅奪冠賠率竟然冇變，維持喺3001倍！而亞洲區最有機會奪冠嘅，依然係日本（201倍），跟住就係南韓（301倍）。

咁到底國足要點先可以出線呢？理論上都仲有機會，只要滿足晒以下條件就得喇！
1. 小組賽最後兩場（主場迎戰馬爾代夫及卡塔爾）要贏晒
2. 阿聯酋最後兩輪最多只能1勝1和、伊拉克主場負泰國、北韓作客和／負菲律賓（三者滿足其二）
3. 爭取更多得失球差