【有片】英搞內衣聯賽 Bra Top底褲滿場飛
20151217
東網電視
更多新聞短片
(互聯網圖片)
英格蘭超級聯賽你就聽到多，英格蘭女子「內衣聯賽」，你就一定唔知乜冬冬，因為係啱啱搞㗎咋！為吸引多啲人注意，提升女子足球員人工，當地創立「內衣聯賽」，球員清一色着Bra Top、底褲落場，巴打們一定覺得好養眼！但呢個賽事惹來唔少反對聲音，話佢哋打擊女子足球，令呢項運動大倒退。
據英國傳媒報道，「內衣聯賽」即將舉行，其中曼市就會派出一隊女子隊參賽。呢班球員大部份都係後生女，佢哋唔介意性感落場，為嘅只係吸引更多人注意。賽事創辦人Gemma Hughes話：「落場嘅所有女生，全部唔係Model，係真正嘅球員。我哋主辦嘅目的，就係提升女子足球嘅公眾注意程度，等女子足球員同男球員，人工、知名度可以拉近距離。佢哋全部都好想喺滿座嘅大球場比賽，『內衣聯賽』可以達到呢個目的。」
不過，有唔少女子足球從業員，就覺得「內衣聯賽」係個倒退：「你有冇見過男球員，要着底褲吸引球迷入場？為咗睇性感女生先入場，嗰啲人根本就唔係睇班球員踢波。有邊個家長，想自己個女着成咁比賽？咁做只會阻礙女子足球發展。」
即刻去東網足球facebook SO東波睇片啦！
SO東波link