CBA　痴線！易建聯寶馬被「複製」套牌

真係好痴線囉！深圳交警星期四喺微博證實，CBA球星易建聯嘅寶馬被套牌，交警話有個27歲余姓男子，套用易建聯嘅車牌粤B×××Y，而且除咗車牌，車型同外觀都跟足易建聯嘅座駕，最離譜係行車證上有埋易建聯個名同住址添！

要知道，易建聯係深圳交警道路安全行駛形象大使，為咩余姓男子咁大膽呢？佢同記者咁講：「8月底的時候，我在網上發現有人在賣寶馬X 5的二手車，而且可以提供車牌，我就主動聯繫了對方，當時我用30萬左右拿到這部車，連同這張粤B 9×××Y假牌及和印有易建聯名字及住所的行車證。」

余姓男子又話：「之所以做出這種行為，有一部分是僥倖心理作怪，就是希望以後萬一違章，有個名人效應，交警就不会去查。」報道話余姓男子被判行政拘留15日，罰款5000元人民幣，搞到網民話罰得咁輕，以後可以「光明正大」用30萬人仔買部寶馬扮名人，周圍揸過下癮喎！