港超聯 熱捧有價 陳7:香港人最現實!

20160226
東網電視
更多新聞短片
「我講過香港人現實,你有成績,香港人就會好支持。」短短幾句說話,一針見血,擲地有聲。陳肇麒(陳7)馳騁香港球壇多年,壞男孩已變做老大哥,看透了球圈現實、但香港人更現實的真理。唯有讓更多年輕球員上位,才能維持香港足球熱潮!
圖/文:黃兆崑、王藝霖
球壇現實 港人更現實
由2009年東亞運擊敗日本奪金,到去年世界盃亞洲區外圍賽變全城熱話,陳肇麒看盡香港足球興衰:「香港人好現實,你贏波咪支持你,如果之前港隊幾場都輸,我覺得一樣冇人睇。」的確,現實、善忘是香港人的特性,今次的港隊熱潮得以延續,全靠一班球員每場都盡力爭勝。
港隊作客不丹一役,陳肇麒在89分鐘頂入致勝一球,再次成為港隊英雄。就是這一球,令香港隊可以繼續力壓同組中國排第2,不少球迷更加期待香港隊可以粉碎「足球強國」的世盃夢。今次熱潮可以延續,「陳7」這一球可謂「救全家」。雖然成為入球功臣,但「陳7」卻說現在代表港隊已經不及以前激動:「依家最重要係拎到好成績,都係時候睇吓有冇後生仔可以上到嚟,教吓佢哋點樣踢一個前鋒。」
勸勉後輩 心態要良好
「當你冇表現,冇成績嗰陣,你就要畀人淘汰。我覺得後生仔應該要有呢個諗法,唔好以為簽到大球會就上咗岸。」你說香港人現實,其實球圈一樣現實,每年都有新球員加入,作為球員一定要維持良好心態,才可以保持競爭力。「所以,我一直以嚟嘅宗旨,就係要做到教練唔用我唔得,先證明到我有存在價值。!」陳肇麒沒有經歷過,又怎提醒年輕球員?
18歲在傑志以正選前鋒身份上場,陳肇麒絕對是少年得志。之後負面新聞纏身,不但令他成為球迷的嘲諷對象,更要一度離開香港球壇。但他這位昔日的壞孩子,今天已經變成港隊老大哥。能站穩香港隊正選這個位置,自然有他的過人之處和付出過不可抹殺的努力,確值得年青一代學習。