【決戰歐霸】紅軍換邊崩潰 西維爾3連霸
西維爾又贏西維爾盃呀！被戲稱為西維爾盃嘅歐霸盃今晨喺瑞士聖雅各布公園球場舉行決賽，呢支西甲勁旅上半場雖然落後一粒，但換邊後展開大反擊連入三球，最後反勝英超利物浦3比1，實現3連霸美夢，兼係佢哋近11年以來第5度捧盃(連前身歐協盃計)，認真威水！
「紅軍」今仗有前鋒奧歷治傷愈，與上仗復出嘅隊長佐敦軒達臣齊齊先任後備，至於今仗被委以重任嘅射手史杜列治，上半場認真生性，踢到35分鐘喺禁區內左路起左腳腳背拉入世界波，助「紅軍」半場領先1粒。
換邊後僅只19秒，西維爾趁住「紅軍」未企穩陣腳，即由老將射手加美路近門撞射入網扳平。之後西維爾氣勢大盛，喺64及70分鐘，由隊長安度查梅開二度，反超前3比1。即使「紅軍」其後分別換入祖阿倫同奧歷治，都未能有任何收穫，西維爾最終保住3比1完場，寫下歷來5奪冠軍佳績，並且係近40年來首支喺歐洲賽3連霸球隊，追平皇馬、阿積士同拜仁嘅紀錄！
即刻去東網足球facebook SO東波睇片啦！
SO東波link