利記新門神型到似Model　女友索到一地葡萄

利物浦喺今季英超完結之後，極速以筍價470萬鎊(約5,350萬港元)，購入緬恩斯門將卡利奧斯。呢位6月滿23歲嘅德籍門神認真巴閉，今季取代拜仁慕尼黑門神紐亞，成為《Goal.com》德甲最佳11人嘅No.1門將。佢好波唔使多講，仲要鬼咁靚仔，Model咁嘅樣引死唔少女球迷！

佢位模特兒女朋友Annelie Alpert同樣唔嘢少，2009年贏得漢堡選美冠軍，之後做過唔少歐洲雜誌嘅封面女郎，樣靚身材正，加埋條長腿，真係唔講得笑！嘩，卡利奧斯同女朋友一齊降臨利物浦市，照顧晒男女球迷，今次仲唔係佢哋玩晒！？卡利奧斯咁型仲要有個咁索嘅女友，真係睇到一地葡萄呀！