【里約奧運】奧原如奪牌　日體育館以佢命名

日本傳媒報道，21歲日本女單羽毛球手奧原希望上週六喺長野縣大町市，參加當地為佢舉行嘅里約奧運壯行會，同時宣布，如果世界排名第六嘅奧原希望喺奧運獲得獎牌，長野縣大町市綜合運動公園體育館將以奧原希望命名，名為「希望體育館」。奧原希望喺今年全英公開賽，接連戰勝王儀涵、王適嫻等中國球手，成為39年嚟日本首個世界羽毛球女單冠軍。