【里約奧運】最新研究:爭金牌?先自慰!

20160727
東網電視
更多新聞短片
(互聯網圖片)
呢個可以話係永恆嘅問題:究竟性愛行為,會唔會影響運動員嘅成績呢?外國最新研究顯示,落場前有性行為,有助提升運動員嘅速度、強壯度及敏捷程度;如果係自慰效果就更理想。但研究亦表明,心理因素起關鍵作用,若運動員認為性愛行為累事,落場時就唔會因此而得益。
外地一間性愛玩具公司,趁奧運前搵嚟一名奧運教練、Mike Young博士合作做研究,搵咗21名國家級運動員(10女11男)做研究對象,記錄佢哋3個星期內嘅性愛活動(包括自慰)情況,再記低稍後嘅運動成績,終於搵到結論。
研究報告顯示,性行為對成績有幫助,因為運動員喺性愛高潮中所產生嘅化學作用,可加強速度、強度同靈敏度。相比之下,自慰更加有好處,可增加10%靈敏度,以及13%強壯度。
不過Mike Young博士認為,運動員實質係點諗都好重要:「如果佢哋覺得,性愛行為對成績有正面影響,最後都會如願以償,佢哋較賽前清心寡慾嘅運動員,多68%機會得到正面結果。所以若覺得性愛累事,比賽前都係禁慾較佳。」
SO東波同你追實體壇每個精彩時刻!