【里約奧運】致我們終將逝去的寧澤濤
20160810
東網電視
更多新聞短片
寧澤濤喺100米自由泳複賽出局。(互聯網圖片)
中國泳隊男神寧澤濤喺里約奧運男子100米自由泳複賽出局後，雖然粉絲完全冇怪佢，但網上就出現唔少鬧佢嘅聲音，甚至有網民覺得，佢會喺回國後退役入娛樂圈算數。雖然寧澤濤從來冇提過要放棄游水，不過賽後佢喺微博，就寫咗段「致青春」，令人諗起電影《致我們終將逝去的青春》，搞到網友又大把聯想。
傳聞喺里約奧運前，曾經因為接廣告問題，頂撞游泳隊領導嘅寧澤濤留言：「感謝一池碧水，感謝青春的記憶中有你們的陪伴，關心。努力，堅持，出發，轉身，衝刺，到邊，真正的内心強大就是無愧我心！～～致游泳，致青春。」其實寧澤濤可能只係鍾意致青春3個字，冇咩特別意思，粉絲又唔使太緊張。
SO東波同你追實體壇每個精彩時刻！