東網電視
更多新聞短片
曼城啱啱大炒般尼茅夫4:0，開咧後頭5場聯賽全勝，連埋歐聯更加係8連勝，哥迪奧拿成為「藍月亮」史上首位帶隊頭8仗全勝嘅主帥，除咗教波叻之外，佢仲堅注重球員營養，季前講過佢唔畀球員食Pizza，仲識得搵專家教班球員「食好西」。哥帥近日親自出面做說客，成功搵咗曾為巴塞足球隊及籃球隊擔任營養師嘅Tremoleda嚟英國幫手。
Tremoleda有幾巴閉？佢曾喺2013年幫巴塞球王美斯制訂營養飲食餐單，包括減少食肉，增加橄欖油、魚肉及蔬果嘅比例，令剛重傷初愈嘅美斯重拾佳態，查實Tremoleda上年先做咗媽媽，唔係好想離開西班牙，不過哥帥與曼城高層碧格列斯坦同佢私交甚篤，出面游說先至撬得郁呢位「美斯營養師」過檔。Tremoleda除咗係營養師，亦係一名三項鐵人好手，咁鬼健康，有佢調教「食好西」，曼城班嘩鬼真係弗上加弗喇。
SO東波同你追實體壇每個精彩時刻！
想撐本地波？即Like我撐本地波Facebook專頁
