【再次輸在起跑線】巴基之星又贏喇！

東網電視

「巴基之星」上季輸在起跑線，贏在終點線，立即成為社會現象，兼喺facebook畀人瘋狂洗版。經過漫長暑假之後，「巴基之星」今日復出第一戰，自然備受期待。

「巴基之星」臨場被捧成1.7倍大熱門，真係超多粉絲，佢亦不負眾望，一出閘又大漏閘，沿途都畀主馬群拋離，不過入直路騎下騎下，又畀佢愈追愈近，最後再以狂風掃落葉姿態輕勝，騎師蔡明紹甚至有時間對住鏡頭指住隻馬話係勁嘢。「巴基之星」再次輸在起跑線，贏在終點線，相信新一輪洗版熱潮又再掀起。

身價600萬嘅「巴基之星」今場只係用咗1分21秒多啲就擸走近70萬獎金，在港兩戰兩勝，夾埋贏咗近120萬獎金，但以佢咁嘅走勢計，真係有排贏咯！

下載新App馬場BOSS：

Facebook fan page

on.cc東網