【有片】C AllStar「球王」安仔入世界波
呢球波有今生無來世呀！ http://bit.ly/2dsxggP
香港業餘聯賽日前出現一球世界波！入波嘅原來仲要係本地男子歌唱組合C AllStar嘅成員陳健安(安仔)，見到當時個波彈高咗少少，「安仔」就立即轉身射個3分波，呀唔係，係轉身射個窩利波至真。呢個車身半倒掛動作咁高難度都做到，原來「安仔」係球員出身，曾效力香港08及港會，2003年贏過花式足球冠軍，喺港青仲要係同歐陽耀冲同期，仲一齊組織過花式足球隊添！安仔最後因參加歌唱比賽而入行做歌手，但睇嚟佢從來無放棄過成為一個足球員嘅夢想，就算係唱歌，都有唱過「足球先生」等嘅歌曲。睇嚟唱歌加踢波，真係有得諗喎！
SO東波同你追實體壇每個精彩時刻！