【我有嘢講】連環爆發　羅港威同南華最有緣

如果足球也要講求八字相合，羅港威與南華的緣份，大概是天生絕配。首個職業生涯入球便是轟破「少林寺」，「港威」投身球圈短短6載，最耀眼的時刻，也是穿上南華球衣。「球圈好現實，踢唔到就會被淘汰，每一次落場我都要證明自己係得嘅！」別看「港威」外表傻氣戇直，說起前路方向卻勇敢自主，踏出每步更瀟灑。

「有人會質疑年輕球員踢大會好難爭位、好大壓力，但係南華有咁多球迷支持，每一次落場都令我好振奮，好想把握每次機會！」羅港威站在南華會天台居高臨下，百年老店的響亮名字未有帶來千斤重擔。上輪聯賽後備上陣8分鐘便為南華入球追平東方龍獅，港澳埠際賽為港隊梅開二度，曾經被擁南躉寄予厚望的爆速「左羅」，重新歸位。「小學6年班已經開始諗，將來要踢一定要踢本地最Top大球會。多謝足主張廣勇博士，讓我有機會再次喺南華證明自己。」「證明自己」，是「港威」在訪問中說得最多。時光回到小學3年級，帶點「Baby Fat」的怕醜男孩望着壁報版猶豫不決，全因啟蒙老師「廖Sir」一句「試吓啦」，無心插柳加入足球隊，認識了同齡隊友梁冠聰，輾轉再到香港青年軍師承李志堅門下。

那些年的「堅家軍」橫掃各級青年軍錦標，內向寡言的港威不像黃威天才橫溢，亦沒有「大佬聰」的領袖氣派，首兩季的職業球員路，也是在後備席苦等出頭天。「有時會諗點解我會係後備？我覺得自己仲踢到，所以冇諗過放棄，最後我鼓起勇氣向教練提出畀我走吧，我要嘅唔係因為錢，而係機會。」沉默背後，盡是主見。年紀小小的港威也有自己一套formula：「如果想喺足球身上得到更多，就必須要付出。細個時我唔識用左腳射波，特登睇片學李華度落街係咁射，或者因為當時年紀小，吸收可以快啲。由細到大，父母都畀我自己去揀，最緊要唔好學壞。」

童年時選擇足球，令本是家中獨子的怕醜仔學會與人溝通；長大後兩度出走「上山」，從此成熟蛻變。自決無悔，亦要伯樂提攜:「喺我加盟南華第一季，楊正光教練樂於重用本地球員，只會鼓勵唔會鬧。以前嘅我只識喺邊路橫衝直撞，係『楊Sir』令我開竅學識配合，加上一班前輩指點，進步都會快啲。」24歲，是時候擺脫「年輕球員」枷鎖，卻也最易迷失。港威曾經想過投考消防員，畢竟「有型穩定又有使命感」，此刻目標卻堅定不移:「如果冇咗足球，我諗我仲係唔多出聲、冇乜朋友。既然選擇咗，就要踢到最高層次，唔單止喺香港，但願有朝一日可以向外闖。」是有種人，自創無數可能，只要你還願意相信夢想2個字。