【有片】綜藝節目玩唔厭 美斯又破紀錄
20170103
東網電視
更多新聞短片
阿根廷球王美斯好波就係人都知，不過佢亦樂此不疲向全世界展示佢嘅高超球技，尤其係參加日本嘅綜藝節目添！繼射九宮格、高台「的」波、罰球大戰機械人同射遙控飛機等遊戲後，美斯最近又參加節目另一挑戰，就係最遠距離凌空控波！
呢個遊戲美斯搵嚟巴塞隆拿隊友蘇亞雷斯做拍擋，阿蘇負責傳波、美斯就做接應，成個過程唔可以畀個波落地。佢哋先由10米開始熱身，兩大高手輕輕鬆鬆就完成傳接，不過隨住距離不斷加大，最終美斯去到56米就冇辦法再增加。56米有幾遠？查實呢個距離已經破晒紀錄，之前紀錄保持者係日本兩大傳奇中村俊輔同遠藤保仁保持，但只係得35米咋！
東網體育同你追實體壇每個精彩時刻！