英超　天開眼！九流球證甸恩燉落英冠呀！

即上英超刨績王：http://win.on.cc/epl　

即刻睇片：http://bit.ly/2iF1a16　

http://bit.ly/2jugrGN　

真係天開眼呀！喺今個月初韋斯咸對曼聯，錯判不絕，先錯誤將「鎚仔隊」中場菲侯利趕出場，然後又睇唔到伊巴謙莫域越位入波嘅球證米奇甸恩，今晨正式收到通知，今個禮拜佢終於畀球證會燉冬菇，冇得吹英超，而係落去英冠主吹約克郡打吡班士利對列斯聯。呢個決定，簡直令全球英超迷齊齊畀LIKE！

被外國網民稱佢做「名人球證」，經常用出位動作同錯誤判決搶鏡嘅米奇甸恩，錯判不絕有實際證明，連同對菲侯利判罰嘅紅牌事後被上訴打甩，佢近6次喺英超派出嘅紅牌，竟然有5張畀人上訴成功，就知佢執法有幾流！唔係講笑，佢上個月主吹默西賽德郡打吡，同樣又試過睇漏愛華頓中場巴克里嘅惡意攔截踩去利物浦中場佐敦軒達臣隻腳。有網民仲輯錄咗佢平時執法嘅失控片段，包括參與埋慶祝熱刺入波等，總次呢個九流球證，真係幾乎人人得而誅之。

東網體育同你追實體壇每個精彩時刻！