英超 哥帥救兵到！巴西超新星有望鬥熱刺
20170119
東網電視
更多新聞短片
捷西斯加比爾將會穿上曼城33號球衣。(曼城官網圖片)
即上英超刨績王：http://win.on.cc/epl
曼城上場聯賽淨吞愛華頓4蛋，今個禮拜又要喺主場迎戰聯賽榜2哥熱刺，對領隊哥迪奧拿嚟講壓力都咪話唔大，好彩曼城賽前收到好消息，巴西19歲超新星捷西斯加比爾已經獲批工作證，今場有機會首次為藍月亮喺英超上陣。
捷西斯加比爾來頭唔嘢少，曼城喺去年夏天出價2,700萬鎊(約2億6,000萬港元)由彭美拉斯收歸旗下，之後以借用形式留喺彭美拉斯踢多半季，結果幫彭美拉斯贏得自1994年以來首個巴甲冠軍。捷西斯加比爾喺去年夏天幫巴西贏得歷來首面奧運男足金牌，佢喺6場比賽射入3球，功勞唔少得過尼馬，之後佢更晉升為大國腳，首次上陣對厄瓜多爾即攻入2球，至今為巴西國家隊上陣6次射入5球，有佢落場嘅比賽巴西全部贏晒，睇吓佢嘅加盟可唔可以幫到哥迪奧拿同曼城走出低谷喇！
東網體育同你追實體壇每個精彩時刻！