賀歲盃　高美斯帶女友睇波！同蒙通聯密斟

首日賀歲盃賽事為披上傑志波衫嘅南華借將高美斯，初四(31日）賽事就無份踢，但佢依然攜同索爆女伴入場睇波！被問到幫傑志上陣有咩感覺，高美斯就好識做，話自己仲係心繫南華，叫大家唔好猜想咁多。不過佢就同一位疑似蒙通聯職員雞啄唔斷，兩位密密斟傾到開波都未傾完，唔知佢哋又講咩呢？