英足盃　衞冕路難行！曼聯8強抽中撼車仔

英足盃16強一連兩日已經打咗其中7場，只係淨番周一深夜瑟頓聯對阿仙奴。至於有關8強對碰嘅抽籤，則喺今晨順利完成，其中焦點肯定係衞冕嘅曼聯，要硬撼現時英超「一哥」車路士，衞冕之路確實難行呀！

8強或現英非聯對決

至於「巨人殺手」林肯城喺淘汰般尼之後，半準決賽會同瑟頓聯對阿仙奴嘅勝方交手，一旦瑟頓聯爆大冷奇迹贏波，8強戰或會出現史無前例嘅英非聯球隊對決，依家一刻仲係難以想像呀！

其餘兩場8強戰，會係熱刺對米禾爾，以及米杜士堡會與哈特斯菲爾德對曼城嘅勝方爭入4強，半準決賽會喺下月10至13日舉行。

東網體育同你追實體壇每個精彩時刻！