【多相】英超賤男復出 加斯居尼囡囡嬲到震

20170220
東網電視
更多新聞短片
曾經效力熱刺嘅前英格蘭U21中場奧哈拉,大家未必有印象,提埋佢前妻係英國著名Model羅伊,憑該會更多人記得。呢位30歲球星自2016年夏天踢完富咸後唔見咗人,早前仲走去參加真人騷節目,仲聲名大噪添!
奧哈拉喺真人騷節目入面同多位女星一齊生活,當中包括英格蘭名將加斯居尼嘅囡囡Bianca,兩人更喺節目入面朝夕相對擦出愛火花,不時做出大膽親密行為成為熱話。不過,當節目播完後,奧哈拉竟然高調飛甩Bianca,仲喺社交網留言:「我飛Bianca,係因為離開節目冷靜過後,覺得佢根本唔適合我,當然Bianca非常傷心,但我有我嘅生活」
雖然被網民炮轟係賤男,不過奧哈拉似乎仲有大把世界,英國《每日鏡報》爆料,正受到嚴重降班威脅嘅英甲球會貝利,正同呢位30歲中場密斟,希望以佢嘅經驗帶領球隊逃出生天。
東網體育同你追實體壇每個精彩時刻!