【有片】發爛渣之王！越南放水龍門勁趣緻
20170220
東網電視
更多新聞短片
放水都咁有娛樂性，即刻去片：http://bit.ly/2kOSE0x
球證錯判嘅事經常發生，高水平到英超、西甲同世界盃都無可避免，不過最近越南聯賽就有球隊好睇唔開，為咗抗議球證判罰12碼，竟然全隊一齊「棟篤企」放棄防守，龍門更大玩背脊防守同打筋斗撲救等花式嚟發爛渣，極具娛樂性。
呢場波係由胡志明市主場對隆安，客隊本來踢得好好，到完場前仲踢成2比2平手，點知喺85分鐘被罰一個爭議性12碼，隆安球員激烈抗議，有球員甚至瞓埋喺地，令比賽一度暫停10分鐘。當然，球證並冇改變判決，隆安球員就開始發爛渣，門將阮明日竟然喺對手射12碼嗰陣，擰轉身背向對手，由得對方射入。
隆安輸到2比3後繼續玩嘢，比賽重開後全隊球員企晒喺度唔郁，胡志明市球員就輕鬆單刀，呢個時候阮明日又表演，喺對方射門前突然打筋斗，最終隆安以2比5輸波。
東網體育同你追實體壇每個精彩時刻！