東南亞職籃 布恩做救世主!東方龍獅6連勝

20170226
東網電視
更多新聞短片
又係靠布恩!連續兩場交出驚人的「雙雙」數據,今仗取得全隊最高22分及18個籃板,多次利用身高優勢封阻成功之外,更於完場前射入關鍵分做救世主,最終東方龍獅以88比85險勝馬來西亞飛龍,繼續創造連勝紀錄至6場,並以11勝2負的成績高踞榜首,坐穩ABL「一哥」之位!
東方龍獅的內線威力在布恩加盟後大大增強,加上乘去仗大炒高雄聖徒之勢,隊中無論士氣及狀態都十分強勁。今場面對兩次的「手下敗將」馬來西亞飛龍,即使對手「三巨頭」加特那、文素及史賓沙表現落力亦無功而還。開賽初段東方龍獅防守十分專注,於內線多次阻擋對方攻勢,加上布恩又再成功封阻,東方打出一波7比0攻勢。飛龍隨即轉換戰術,頻頻於外線投射,首節共射入4個3分波,令東方以1分落後。其後雙方戰況顯得交着,東方換入後備兵讓主力休息,一度被對手拉開分差,幸隊長李琪射入壓哨3分,東方以42比44完半場。
下半場一向是東方展示其體能優勢之時,新援布恩又在此時爆Seed,第3節個人轟入10分,加上艾利諾及張文平連環開火,為東方反超前至68比64!飛龍依賴主將加特那得分,他全場攻入33分,令比賽尾段雙方咬得相當緊,兩隊輪流領先。最後1分鐘東方落後1分,但布恩及時搶下籃板並「瞓身」上籃,於完場前6.2秒再為球隊反超前,成為救世主!最終東方龍獅以88比85險勝馬來西亞飛龍,創出6連勝新紀錄,11勝2負的成績更令「一哥」位置更加穩固!
賽後布恩表示:「雖然初段錯過幾次機會,但隊友都好支持我,即使最後面對好大嘅追分壓力,我知道我要做嘅就係入波。贏波就係贏波,唔理贏幾多分,呢場波唔易打,希望幾日後再作客飛龍可以再贏波!」隊長李琪指球隊仍需適應及配合布恩的打法:「今場失誤同犯規較多,球員未夠集中,雖然布恩表現非常出色,但我哋要時間適應,希望下場防守上可以畀對方多啲壓力,贏得輕鬆啲。」
東網體育同你追實體壇每個精彩時刻!