港超聯　「光頭」顏樂楓大學畢業啦！

周五（17日）係香港中文大學逸夫書院畢業日，效力九巴元朗嘅「光頭」顔樂楓，呢日就正式喺書院畢業啦！

距離正式畢業禮仲有幾個月，但正修讀運動科學系嘅「光頭」，呢一日率先喺書院畢業日同佢嘅親友，包括爺爺、嫲嫲、父母、姑姐、兩個妹妹同女朋友兼同學「芬芬」，一齊影番張靚靚仔仔嘅畢業相。

「光頭」中四開始獲提拔上傑志一隊練習，但在學業事業兩邊兼顧下，一直未能「操足」因而耿耿於懷。佢就話對於好快可以全情投入喺足球上期待已久，諗起都興奮！希望喺大學學到嘅知識，可以幫到自己提升表現，喺足球事業上有進一步突破。