國際賽　約旦搵皇馬青年軍衝擊港隊

香港隊即將遠征中東，將要連闖兩道「黎巴嫰關卡」，月尾作客黎巴嫰的亞洲盃外圍賽固然關鍵，本周四友賽約旦一戰，同樣需要面對一名黎巴嫰血裔的皇馬青訓產品──羅甲布加勒斯特戴拿模鋒將巴華！

約旦國家隊剛公布的23人決選名單中，只有3名外流球員，包括中場孖寶艾沙菲（科威特）、艾巴希特（阿聯酋），以及來頭最大的巴華。已經32歲的巴華，14年足球生涯完全在國外度過，可以說是約旦球壇一大奇葩。這位身高1.8米的前鋒，7歲時隨黎巴嫰籍父母遠赴西班牙，定居於加泰羅尼亞，2003年以17歲之齡加入皇馬青年軍，其後踢過皇馬C隊、巴塞B隊以至幾支西丙球隊。如今巴華憶述在皇馬的4年光景依舊回味不已：「當時皇馬名宿米高負責帶我哋隊波，每個禮拜有兩次同埋施丹、魯爾、朗拿度及費高一齊練波，真係正到爆。」

苦於在西班牙機會不多，巴華2010年起轉戰羅馬尼亞，2011年效力CS Gaz Metan Mediaş時，他曾經出戰歐霸盃第3圈外圍賽兩鬥德甲緬恩斯，個人獨取兩球，領軍靠互射12碼淘汰對手，成就職業生涯高峰。去年巴華被羅甲勁旅布加勒斯特星隊羅致，惟一度外借卡塔爾星級聯賽隊烏姆沙拉爾，今年他「回流」羅甲加盟布加勒斯特戴拿模，迄今上陣6場，只是未有入球。

其實巴華有資格代表黎巴嫰，幸好他在2005年選擇入籍約旦，否則港隊作客黎巴嫰的爭勝阻力必然更大。

東網體育同你追實體壇每個精彩時刻！

http://bit.ly/2ecTF2A