車校之父撐囝囝 專注足球暫擱學業

20170406
東網電視
更多新聞短片

林樂勤父親林燦彬(Ben)年輕時候曾效力麗新及東方青年軍,早年與好友山度士合作成立車路士足球學校(香港),為港足未來育苗。自幼獲悉心栽培的「Jordan仔」感激父母支持發展所長,得以暫擱學業,專心在足球路上「show hand」。

爸爸是車路士足球學校(香港)總監,自幼在「車校」完善配套下成長的Jordan直言「都會有壓力」,但慶幸父母全力支持追夢:「Daddy知我同細佬鍾意踢波,佢只係想我哋兩個開心,冇要求我哋要踢到有乜成就,只係提醒我哋堅定咗目標就要努力實現。由細到大教練亦唔會因為Daddy關係錫住我,若我做得唔好一樣會鬧,而我亦特別要求Daddy要一視同仁,出外比賽都會避忌啲。」原就讀男拔的Jordan自言讀書成績本身不錯,惟隨着比賽漸多及出外跟操,難以同時兼顧學業與足球。

眼看同齡隊友正為DSE博殺,Jordan慶幸「避過一劫」之餘,決心先專注足球發展:「之前港隊U18邀請賽,好多隊友要溫書練唔到波,佢哋計劃考完試後先再決定前途,我就會先畀一年時間自己,畢竟運動員生涯短暫,讀書幾時都有得讀。」雖然囝囝外闖夢未圓,「阿Ben」也喜見兒子「大個仔」:「能夠出外見識其他足球水平,開拓眼界也是好事。Jordan以前在家有媽媽全天候照顧,去到英國要自己照顧起居飲食,返到香港成熟不少,他現在會主動提起球會練波點滴,比起以前多了話題。」

助小將跳出香港

近年不乏年輕球員外闖學法,像已進身大港腳的和富大埔中場陳俊樂,在英國留學期間,便曾獲英冠彼得堡青年軍青睞,惟始終因工作證問題,未能長留異邦發展。儘管港將外闖困難重重,林燦彬未有言棄,未來仍會與外國球會尋求合作機會,以助香港小將跳出井底,前年便曾保送劉夢瓊等3名女將登陸日乙。

而除了「Jordan仔」一戰成名,與他同闖英甲的門將謝家榮亦獲理文流浪錄用,同是車校首批學員的林衍廷則效力R&F富力。Jordan回想小時候於「車校」每周訓練兩課,加上自幼已能到海外角逐地中海盃等國際青年賽,有助加速成長。「我哋由U12一齊開始踢到U18,除咗默契好之外,岑Sir(岑國培)對我哋影響好大,佢成日用自己做例子,踢波技術唔好唔緊要,但就一定要有火,所以出外比賽對住亞洲強隊,就算實力輸蝕,但係團火唔會輸。」作為3人恩師的「車校」教練岑國培,期望陸續見收成:「這班1999年出生的小將不乏潛力,有幾個也正在港甲球會吸取比賽經驗。不過現在可能仍在學業與足球之間掙扎,希望Jordan的例子,可堅定到他們的決心,未來陸續見到他們在港超登場。」