【監倉偷拍】人渣阿當莊臣:早知姦咗條女!

20170421
東網電視
更多新聞短片
監倉絕密影片:http://bit.ly/2oQgT3R 
英格蘭球星阿當莊臣上年因為「與未成年少女發生性行為」罪,被法庭判監6年,以為佢喺牢獄生涯會靜思己過?錯啦!英國《太陽報》日前獲得一段獄中偷拍影片,片段入面阿當莊臣疑似喺洗衣房內同人對話,內容包括佢點樣該位15歲女事主發生關係,言詞極之露骨,例如話嗰位少女經常着凸點性感衣服同佢見面,又話自己如果唔係英超球星,根本唔會畀人重罰,可能只係警告就冇事。最離譜嘅係,有人提出阿當莊臣其實並冇強姦,呢位前新特蘭球星即刻爆出一句:「坐6年監,早知姦咗條女!」據報阿當莊臣本來申請調去環境更舒適嘅監倉,但呢段影片流出後,相信成事機會渺茫,而阿當莊臣提前獲釋嘅可能性亦微乎其微。
東網體育同你追實體壇每個精彩時刻!