英超 迪哥省兩粒 4比2殺聖人

20170426
東網電視
更多新聞短片
夏薩特(左)同迪亞高哥斯達係車仔今場贏波功臣。(法新社圖片)
即上英超刨績王:http://win.on.cc/epl 
英超補賽獨腳戲,車路士今晨喺主場迎戰修咸頓,結果憑住夏薩特同加利卡希爾喺上半場各建一功,加上迪亞高哥斯達換邊後梅開二度,最後輕鬆大勝4比2。全取3分後嘅「車仔」,依家以33戰得78分續居榜首,帶甩打少場嘅熱刺7分,後者聽晚就要作客水晶宮,肯定會承受重大壓力。
修咸頓位列中游,現時可以話打緊風流波,全場亦樂於同「車仔」對攻,未有刻意死守,果然造就一場大比數交易。至於上場喺英足盃打後備嘅「車仔」雙雄夏薩特同「迪哥」,今場亦踢得格外生猛,成為贏波功臣。
主隊開賽5分鐘就有夏薩特接應迪亞高哥斯達傳中,離門12碼射遠柱入網領先。修咸頓之後喺24分鐘憑一次角球攻勢,由奧里奧爾羅美奧近門撞入追和1比1。上半場補時,車仔再有加利卡希爾近門頭槌建功,半場領先2比1。
換邊後都係「車仔」天下,「迪哥」先後一頭一腳幫主隊將紀錄拉開到4比1。補時階段,「聖人」有賴恩貝特蘭倒戈整番粒,最後車路士贏4比2,向住佢哋3年內第2個英超冠軍又行近一步。
東網體育同你追實體壇每個精彩時刻!