網民熱話：客軍嗌足全場！場外場內都輸晒

東方龍獅尋晚於亞冠盃主場以0比6不敵中超球隊廣州恒大，曲終人散，但這場戰役繼續仲有得討論，除了輸賽果外，就連打氣團氣勢都不及對手，場外場內都輸晒，成為網民熱烘烘的討論熱話。廣州恒大打氣團大約有700人到場，聲勢浩大，更有球迷組織在球場外派波衫，希望成功在客隊打氣區製造一片紅海，相當搶眼。不少網民賽後指出，東方龍獅打氣團應該要好好向廣州恒大學習一下。

網民反應

「你睇下人哋打氣有幾多歌，有幾多方法先啦.......東方嚟嚟去去都係東方 拍拍拍 東方 拍拍拍......」

「得罪講句，成班球迷都曬氣啦。X人就大大聲，支持自己人好過啦。唔鍾意東方，當支持香港球隊，嗌下「香港加油」都好過掛住X人啦」

「坐23區表示下半場試左幾次主動啲帶起啲人嗌下啲球員，發現附近啲人除左部份係唔願嗌之餘，有部份淨係識葉鴻輝，嗌極米曹、羅拔圖都係得幾個人嗌」

「自己係東方fans 都覺得呢次安排同主場作賽好X失望。。。入場人算多。。但連個氣氛都做唔到」

「人哋打氣值得學習嘅，全場又唱又跳未停過，打氣歌都有幾首，東方班友除咗打兩下鼓，嗌兩句口號，毫無特色，香港球迷根本唔識打氣！」