港超奧斯卡　最佳教練朱Sir：將帥要溝通！

「2016/17香港足球明星頒獎禮」最佳教練由帶領傑志勇奪3冠王的朱志光大熱當選，儘管「朱Sir」以往也曾帶領傑志以不敗姿態稱霸末代港甲，不過今次才是「朱Sir」首度奪獎，他強調向來以平常心面對，但坦言球員對他的信任及支持，猶勝獎項鼓舞。

朱Sir於力壓去年「最佳教練」陳婉婷及冠忠南區主帥鄭兆聰奪獎，除了聯賽冠軍教練能獲額外10%票數，他於公眾投票亦後上稱霸，令他直言感到意外：「或者有人會覺得，你隊波已經咁強，自然容易攞到好成績。不過作為教練最緊要係得到球員信任同支持，呢方面算係我強項，同球員保持亦師亦友關係。要從傑志揀選最佳11人落場係好難，當中最緊要係溝通，令到更衣室同後備席都唔會有怨言。」傑志於今次頒獎禮成為大贏家，惟朱Sir也對部分球員如王振鵬及華杜斯等未能奪獎感到遺憾，希望他們下季再接再厲。