總結:占士第4節0分躁狂鬧記者

20170522
東網電視
更多新聞短片
騎士喺NBA季後賽東岸決賽主場以108:111不敵塞爾特人,一度領先21分下斷送好局,場數改寫成2:1,而且勒邦占士嚴重失準得11分,包括第4節得0分。賽後占士嬲到出面,當有記者問佢點解打成咁時,佢竟然失控狂鬧人呀!
雖然騎士連續兩場大炒塞爾特人,對手又有湯馬士因傷缺陣,不過即使路夫有28分、10個籃板同3次助攻,艾榮有29分、2個籃板同7次助攻,最後依然因為勒邦占士得11分、6個籃板同6次助攻,第4節1分都冇搞到輸波收場。
其實塞爾特人大部分時間落後,只係第4節尾段逆轉領先咗187秒,但可能騎士對上兩場贏得太容易,放棄主攻內線狂射3分累事,結果巴特利有20分、3個籃板同4次助攻,包括完場前0.1秒射3分「滴入」,協助塞爾特人贏番場。
今次係勒邦占士職業生涯中,佢效力嘅球隊領先20分以上,首次遭遇敗仗,對上49場全部贏波,難怪賽後佢嬲到扯晒火鬧記者:「我係打得唔好,你想我講咩?你專門趁我輸波至開聲問,每次我哋輸波你就會出現,好奇怪,我記得你!」
最新賽果(左方主場)
騎士 108:111 塞爾特人(場數2:1)
東網體育同你追實體壇每個精彩時刻! 
想撐本地波?即Like我撐本地波Facebook專頁