【熱刺訪港】銅鑼灣大戰 艾歷臣毽鬥施寶盛
20170524
東網電視
更多新聞短片
雖然周四(24日)早上黑雨襲港，但熱刺球星一樣周圍去，基斯甸艾歷臣、雲遜贊臣、禾姆同其餘4位球員就到銅鑼灣時代廣場出席活動！現場更有香港街頭花式足球員施寶盛表演個人絕技，成班熱刺球星都睇到拍晒手掌，熱刺官方Twitter都有報道添。之後艾歷臣更受邀試踢毽，首次挑戰就輕鬆連續踢到10下，係全隊之冠，果然係好腳法！之後現場有位小朋友勁有興趣踢毽，艾歷臣亦主動教佢踢，真係nice到爆。
大會之後就即場送出熱刺球星嘅簽名足球同埋畀大家同球星影相攞簽名，球迷都反應熱烈，令到時代地下大排長龍。一班熱刺球星亦有求必應，逐個自拍都無問題，最後球員逗留約1小時後離去。
東網體育同你追實體壇每個精彩時刻！