總結：天與地！咖喱仔贏到瞓覺大帝發爛渣

東網電視

勒邦占士因為鬥唔過史堤芬居里(小圖)發爛渣。(美聯社圖片)

勇士喺NBA總決賽主場以132:113擊敗騎士，連續兩場輕取對手，場數領先至2:0，史堤芬居里同勒邦占士分別取得3雙，不過佢哋嘅心情簡直係天與地，咖喱仔贏到用毛巾遮面，瞓喺地板上好似瞌著咁，相反，大帝賽後發爆渣鬧記者，仲拒絕出席記者會添！

雖然勇士喺比賽初段出現好多失誤，但史堤芬居里有32分、10個籃板同11次助攻，杜蘭特有33分、13個籃板同6次助攻，慶祝教練卡爾克服背傷復出親自領軍，當中咖喱仔喺第1節射入10個罰球追平總決賽單節紀錄，仲喺第3節神奇地搶到7個籃板。

另一方面，勒邦占士有29分、11個籃板同14次助攻，艾榮有19分、2個籃板同7次助攻，路夫有27分同7個籃板，不過占士喺防守上延續Game1嘅不濟，試過喺單對單情況下被史堤芬居里玩過上籃成功，成為傳媒同球迷繼續恥笑佢嘅把柄。

咁都未止，史堤芬居里喺第4節見勇士大比數領先，輕鬆到用毛巾遮面瞓喺地板上養神，相反，占士賽後被記者問到Game3返主場係咪要搏命，嬲到話人問埋啲白痴問題，而且留喺更衣室受訪算數，拒絕出席記者會，證明心情已跌落谷底。

最新賽果(左方主場)

勇士 132:113 騎士(場數2:0)

東網體育同你追實體壇每個精彩時刻！　

想撐本地波？即Like我撐本地波Facebook專頁

on.cc東網