【總決賽】博彩公司話！勇士勁過經典公牛
20170607
東網電視
更多新聞短片
史堤芬居里不時畀人拎嚟同米高佐敦比較。(互聯網圖片)
勇士喺NBA總決賽以場數2:0領先騎士後，只要直落再贏兩場，就可以實現季後賽16連勝奪冠神迹，所以傳媒同球迷又再提出，到底現時勇士係咪聯盟史上最強呢個問題，當中魔術手莊遜就話，Show Time時代嘅湖人肯定可以砌低勇士，不過博彩公司似乎唔係咁諗，甚至覺得米高佐敦嘅96年經典公牛，都及唔上勇士咁癲，6間博彩公司開出模擬盤口勇士要讓3至8分，當中有4間認為勇士會贏盤贏波，只得1間覺得公牛會贏盤，剩低1間就話要睇臨場發揮，證明根據博彩公司數據分析，目前勇士勁過經典公牛！
東網體育同你追實體壇每個精彩時刻！