世盃外 鄭智盲都要踢 老婆：同你一齊面對
20170609
東網電視
更多新聞短片
（互聯網圖片）
國足即將於世盃外鬥敍利亞，如果呢場贏唔到，就極可能提早出局。正所謂好事多磨，國家隊隊長鄭智，竟於操練時搞到眼部骨折，如果唔小心處理，左眼分分鐘永久失明。原來鄭智於受傷之後，雖然知道有失明之虞，但依然向主教練納比要求落場，仲話有乜後果會自己負責，連佢老婆邵娜都支持佢呢個決定。但納比認為健康先係最重要，所以拒絕鄭智要求。
目前國足於世界盃外圍賽7戰僅得5分，所以嚟緊對敍利亞一定要贏，以保持些微晉級機會。據中國傳媒報道，鄭智深知呢場波極其重要，所以主動向納比請纓出戰，邵娜亦表示，就算出現任何不幸情況，都會同老公一齊面對。不過納比就認為鄭智咁做極為不智，冇理由攞命仔較飛，所以強行將鄭智趕扯，以確保球員健康。
東網體育同你追實體壇每個精彩時刻！