【總決賽】騎士怒破N個紀錄追番場
20170610
東網電視
更多新聞短片
勒邦占士取得31分、10個籃板同11次助攻。(美聯社圖片)
騎士喺NBA總決賽主場以137:116擊敗勇士，場數追成1:3，粉碎勇士以季後賽16戰全勝姿態捧盃嘅美夢。勒邦占士報復式爆發，唔止個人總決賽得分同3雙次數，分別超越米高佐敦同魔術手莊遜，仲帶領騎士改寫總決賽單節同半場得分紀錄，連破N個紀錄追番場。
由於騎士連輸3場冇退路，第1節已經打爭氣波以49:33領先。到第2節，騎士繼續火力全開，並且以86:68完成半場賽事。雖然杜蘭特有35分、4個籃板同4次助攻，阻止勇士以更大比數落後，可惜史堤芬居里得14分、5個籃板同10次助攻、奇利湯臣得13分、3個籃板同2次助攻，同時失準連累勇士輸波。
相反，勒邦占士有31分、10個籃板同11次助攻，艾榮有40分、7個籃板同4次助攻，帶領騎士連環打破總決賽單節同半場得分紀錄，同時占士以1,206分，取代米高佐敦位列總決賽得分榜第3位，再以9次3雙超越魔術手莊遜進佔總決賽歷史第1位，加上季後賽罰球命中數目登上史上第1位，大帝總算贏番啲面。
東網體育同你追實體壇每個精彩時刻！
想撐本地波？即Like我撐本地波Facebook專頁