【神Deal】「曼」人迷！靚仔連迪路夫入魔
20170611
東網電視
更多新聞短片
眼見同市死敵曼城連環掃貨，曼聯亦都加快步伐，收購西班牙前鋒艾華路莫拉達就快成事，原來球會仲靜靜雞搞掂埋個中堅位！曼聯喺官方網頁宣布，已經同賓菲加就收購瑞典中堅域陀連迪路夫達成協議，將會用3,500萬歐元簽入呢位靚仔中堅，呢位22歲瑞典國腳星期三會飛去曼徹斯特進行體測兼簽約。
查實曼聯今年1月已經想簽域陀連迪路夫，可惜最終未能成事，不過莫連奴對呢位技術型中堅非常賞識，所以夏天再向佢埋手，終於都簽到心頭好。域陀連迪路夫外型俊朗，女友Maja Nilsson又係索爆女神兼著名Blogger，呢對金童玉女肯定會成為傳媒焦點，如果域陀連迪路夫有好表現，好有條件成為新一代「曼」人迷！
東網體育同你追實體壇每個精彩時刻！