【神Deal】曼聯簽埋法賓奴！法嫂都讚好！
20170613
東網電視
更多新聞短片
曼聯近日喺轉會市場瘋狂掃貨，英國傳媒爆料，「紅魔鬼」可能會喺今個星期內官宣3大球星加盟，除咗域陀連迪路夫同艾拉路莫拉達之外，摩納哥嘅巴西中場法賓奴泰華利斯亦好大機會來投，連「法嫂」都喺社交網對呢單轉會讚好！
瑞典中堅域陀連迪路夫周三會去曼市做體測，艾華路莫拉達亦都傾掂晒轉會條件，英國《太陽報》報道，曼聯開價4,000萬鎊簽摩納哥中場法賓奴泰華利斯，亦都已經傾得七七八八，莫連奴視呢位中後場多面手為卡域克最佳接班人。
轉會消息曝光後，大批球迷走去法賓奴泰華利斯夫婦嘅Instagram度「洗版」，叫佢快啲簽約曼聯，其中一位網民留言：「求求你！來曼聯吧！」竟然獲得法賓奴泰華利斯老婆Rebeca畀Like，曼聯迷可以淡定啦！
東網體育同你追實體壇每個精彩時刻！