【神Deal】執到寶 車仔免費簽曼城門將
20170620
東網電視
更多新聞短片
韋利卡巴尼路今季表現出色。(Getty Images)
上個月批准咗後備門將比高域過檔般尼茅夫嘅車路士，據報好快就會有新門將加盟，呢個就係剛同曼城約滿嘅阿根廷門將韋利卡巴尼路，消息話佢同車路士已經傾掂個人條件，兼通過咗體測添。
現年35歲嘅韋利卡巴尼路，其實過去一季喺曼城都有唔少上陣機會，尤其係當佢哋個正選門將哥迪奧巴禾出現信心危機期間，韋利卡巴尼路就肩負起把守曼城最後一關重任。同時，佢都係喺唔少盃賽上，都係以正選身份為曼城披甲，表現穩定出色。雖然話呢個阿根廷門將年紀唔細，但始終作戰經驗豐富，近排就有紐卡素同小保加都對佢有意思，依家佢選擇加盟車仔，去做泰拔高圖爾斯副手，今次應該係個雙贏決定啦！
東網體育同你追實體壇每個精彩時刻！