咩人睇咩嘢！泰利話你知法比仔合照亮點
20170620
東網電視
更多新聞短片
一到暑假，冇份踢國際賽嘅球員，就梗係四圍去度假玩玩，車路士嘅西班牙中場法比加斯都唔例外，近排就同老友美斯同蘇亞雷斯帶埋家人一齊去開心玩。一向鍾意玩社交網嘅法比仔，尋日仲喺佢IG上載一張佢同女伴Daniella Semaan嘅溫馨合照，只見相中佢哋喺度親吻，法比仔就着住短波褲，女友就着住性感泳衣加多件薄紗，總之畫面都好浪漫啦！
點知法比仔張靚相一見光，啱啱離開咗「車仔」嘅舊隊友泰利就第一時間回應，唔知係咪咩人睇咩嘢啦，呢位鐵血隊長就留言話：「靚相呀！但條短褲就唔知喇！」原來泰利就搵到張相真正亮點，原來係法比仔條性感短褲，似乎蓋掩唔到小法比嘅勇猛動L狀態，泰利仲Tag埋佢有份投資嘅鋪頭thomasroyall，叫法比仔最好去佢度買番條啱身短褲囉！
嗱嗱嗱，咪話泰利鹹濕呀！事關佢個留言係同樣獲得球迷勁讚，點到你唔服先！
東網體育同你追實體壇每個精彩時刻！