【有片】中乙簡東拿　向球迷踢樽起飛腳！

東網電視

中國球壇不時發生暴力事件，但估唔到，中乙有球員連主場球迷都喊打！話說北京理工星期日喺主場以1:0擊敗河北精英，效力過中超球會北京國安嘅祝一帆，踢到下半場被球證趕出場後，因為受唔住觀眾席上球迷嘅指罵，著晒燈咁將場邊嘅水樽踢向對方，跟住仲簡東拿上身想出飛腳，好在畀保安扯住至打唔成交咋！

咁都未止，同日黑龍江火山鳴泉主場以0:0打和沈陽城市建設，幾個主場球迷唔知有咩得罪保安，雙方鬧咗一輪後仲郁埋手，當中有球迷被人打到後腦爆缸流血，場面非常混亂，好在後來有人報警阻止事件惡化，否則都唔知點收科！

東網體育同你追實體壇每個精彩時刻！　

想撐本地波？即Like我撐本地波Facebook專頁

on.cc東網