【神Deal】奧巴美揚暗示14億轉戰中超

20170628
東網電視
更多新聞短片
(Getty Images圖片)
德甲多蒙特射手奧巴美揚早前話過萬一真係離隊,佢最想去皇家馬德里。可惜射手有心,但係艦隊無夢,搞到呢位加蓬球星得個想字。雖然去唔成西甲,但係佢似乎已經去意已決,近日仲喺instagram暗示準備好離開德甲,德國傳媒仲爆料話佢去中超添!
《圖片報》周三報道話奧巴美揚,已經同中超球隊天津權健傾好轉會條件。今次轉會費高達8,100萬歐元(約7.2億港元),奧巴美揚周薪將會過50萬歐元,即係差唔多440萬人仔。
德媒又話天津會方好有決心得到呢位射手,就算新規則訂明外援轉會費高過590萬歐元,就要抽100%稅都在所不惜。照依家價錢咁計,天津買奧巴美揚將要畀1.6億歐元,勢必打破全球轉會紀錄!
外界盛傳佢今夏會離隊他投,除咗巴黎聖日耳門之外,英超利物浦對佢甚有興趣。不過早前紅軍CEO彼德摩亞,以搞笑神回覆否認傳聞。(詳情請閱:http://bit.ly/2s1lhft )
東網體育同你追實體壇每個精彩時刻!