抗癌小勇士喪禮 迪科爾心酸淚崩
20170714
東網電視
更多新聞短片
永別了，抗癌小勇士！洛厄里(Bradley Lowery)日前抗癌失敗與世長辭，全球球迷黯然，近千有心人士，於英國時間周五到達達勒姆郡，參加呢名6歲小英雄嘅葬禮。迪科爾由西班牙專程返國出席，佢着起印有Bradley名字嘅6號英格蘭波衫，到達現場同「最好朋友」作最後道別。Bradley嘅父母親友則着上背後印上Bradley Forever字樣嘅新特蘭波衫，將靈柩抬上靈車，由專人騎着白馬拉靈車到郡上教堂。
Bradley人仔細細，但一直勇敢抗癌，事迹感動國人。Bradley父母於愛兒死後，表示其葬禮開放畀所有人參與；今次喪禮，出席人士大多着上新特蘭到場，亦有人士打扮成Bradley生前鍾意嘅超級英雄，希望佢在天之靈可以睇到，另外前新特蘭領隊莫耶斯亦有到場。迪科爾本身隨般尼茅夫於西班牙操練，呢一日專程飛返英國，同Bradley作最後告別。呢位Bradley心目中嘅足球英雄，曾多次拖住呢位小勇士，齊齊現身英超及國家隊比賽，所以佢今次專登揀咗穿着英格蘭波衫到場。喪禮過程中迪科爾神情哀傷，仲忍唔住流出男兒淚。
上周五Bradley於父母懷內離開人世，迪科爾表示：「再見了我最好嘅朋友，好好瞓一覺，你永遠都活喺我心中。」
即到彩報星club熱身賽專頁:
東網體育同你追實體壇每個精彩時刻！