香港大師賽　羅拔臣講波：莫拉達上車超正

擊敗世界1哥沙比之後，羅拔臣於香港世界桌球大師賽4強會碰上主場出擊嘅傅家俊，兩人早前喺世錦賽16強交手，當時由Marco贏出，即使今次有近3000名球迷為對手打氣，羅拔臣都未驚過：「球場上總會有人有較多粉絲，好似奧蘇里雲同埋今場嘅沙比咁，佢哋都值得有咁多球迷支持，但我相信只要打到好波，球迷就會鐘意你，所以我相信可以頂住呢啲去報仇！」

身為車路士忠粉嘅羅拔臣，對於近日愛隊簽入前皇馬前鋒莫拉達感到相當興奮：「老實講當我聽到盧卡古去曼聯，又見到迪亞高哥斯達着住馬體會波衫，都有啲擔心，好開心球隊終於簽咗莫拉達，佢係個好好嘅年青球員，又贏過歐聯，對車仔會好有幫助。不過我認為車仔要簽多啲人打歐聯，例如祖雲達斯左後衞阿歷士辛度都唔錯。」見佢講到眉飛色舞咁，似乎仲開心過自己贏波喎！

即到彩報星club熱身賽專頁:

http://win.on.cc/football/page/2017friendly/　

東網體育同你追實體壇每個精彩時刻！

http://bit.ly/2ecTF2A